අල්ප කටයුතු ඇත්තෙක් විය යුතුය
ලද දෙයින් නොසතුටු වන්නාවූ, පහසුවෙන් පෝෂණය කල නොහැකි තැනැත්තාට කිරීමට ඇති කටයුතු වල ප්‍රමාණයක් නැත. කරන්නේ නම් කිරීමට ඇති කටයුතු ලොව කොතෙකුත් තිබේ. මෙයින් ඔබ කල යුත්තේ කුමන කටයුතු ද නොකල යුත්තේ කුමන කටයුතු ද යන්න ඔබ විසින් තොරා බේරාගත යුතුය. සිතූ පැතූ සියළු සමිපත් ඇති මහා ධන කුවේරයන්ට කිරීමට සමාජ සේවා කටයුතු ඇත. නමුත් නිවන සදහා ඔවුන්ට කාලයක් නැත. ලොකයා රුවටීමට යමේක් සෘජු බවින් තොරව එබදු කාර්‍යන් කරයි නම් එහි පළක් නැත. නිකන් වැඩ කටයුතු බහුලවීමක් පමණක් එහි ඇත. සැබවින්ම ලොක සත්ත්වයා වෙනුවෙන් යහපතක් කරණු පිණිස එසේ කටයුතු කරන අයෙකු වේ නම් ඔහු එබදු කටයුතු ධර්ම මාර්ගයට සුදුසු ආකාරයෙන් සකසාගත යුතුය.
එසේ නොමැතිව එදා වේල පිරිමසා ගැණිමට අපමණ කටයුතු වල නියතු වන ජීවිත අරගලයක යෙදී සිටින යමෙක් වේ නම්, ඔහුගේ එම කටයුතුම විදර්ශණා වැඩීම් වශයෙන් නිවනට සමිබන්ධ කර ගත යුතුය. එවිට මුළු ජීවිතයම කුසලයක් කරගැණිමේ හැකියාව ඔහුට ලැබෙනු ඇත. දුකක් නොපෙනී දුකෙන් මිදීමක් ලැබීමේ හැකියාවන් නැත. එබැවින් දෙවිවරුන් පවා දුකින් මිදීමට මිනිසත් බව පතනා බව ත්‍රිපිටකයේ සදහන්ව ඇත. ඒ හැරුන කොට අනවශ්‍ය අවශ්‍යතාවයන් ඉවත දැමූ විට යමෙකුට ඇති කටයුතු ප්‍රමාණයද බොහෝ අඩුවනු ඇත. ඒ සඳහා මනස සංවර වූ අයෙකු විය යුතුය.
සැහැල්ලු පැවතුම් ඇත්තෙක් විය යුතුය
සැහැල්ලු පැවතුමි ඇතිවීමට නමි සංයමයකින් යුතු මනසක් පැවතිය යුතුය. රාග, ද්වේශ. මෝහ, ආදී ප්‍රපඤ්ච ධර්මයන්ගෙන් මිදීමට වැලකීමට උත්සුක විය යුතුය, ධර්ම ශ්‍රවණය, භාවනාවන්හි නියුතු වීම, ශිල සංවරය ආදිය ජීවිතයට එක්කර ගත යුතුය. එබදු පුද්ගලයා සැහැල්ලු පැවතුමි ඇති අයෙකු බවට ක්‍රමයෙන් පත්වනු ඇත. ගෙවී ගිය අතීතයද, නොඑලඹි අනාගතයද, ක්ෂණයක් පාසා ගෙවී යන්නාවූ නිශ්ඵල වර්ථමානය ද ඔහු තෘශ්ණාවෙන් උපාදාන නොකරයි. එවන් ඔහු සැහැල්ලු පැවතුම් ඇති අයෙකු බවටත් සතුටින් යුතු පුද්ග‍ලයෙකු බවටත් පත්වනු ඇත.
